Deskrizzjoni tal-Fraternita’.

 FRATERNITA’ SEKULARI  CHARLES DE FOUCAULD

·         F’Malta twaqqfet fl-1977

·         Charles de Foucauld (1858-1916)

·         Tiġbor fiha rġiel u nisa, li fuq l-eżempju ta’ Charles de Foucauld, jixtiequ jgħinu lil xulxin biex jimxu wara Ġesù u jgħixu l-Evanġelju u jaghjtuh b’hajjithom.

·         Originarjament biex irawwem lajci li lesti jaghtu xhieda tal-Vangelu f’artijiet Musulmani u biex jikber is-sens ta’ fraternita’ universali

vaffiljata mal-Fraternita’(jiet) Internazzjonali Charles de Foucauld,

1. tiġbor fiha rġiel u nisa, li fuq l-eżempju ta’ Charles de Foucauld, jixtiequ jgħinu lil xulxin biex jimxu wara Ġesù u jgħixu l-Evanġelju.
2. msejħin igħixu l-ħajja moħbija ta’ Nazaret, li għalihom hija:

a)  It-tfittxija u l-merħba bla heda ta’ l-Iben Inkarnat ta’ Alla, li sar “iben il-mastrudaxxa” (Mt. 13:55).

b) “Li jgħajtu l-Evanġelju b’ħajjithom”.

c)  Solidarjetà mal-fqar – il-preżenza ħajja ta’ Kristu fid-dinja.

d)  It-tfittxija għall-għaqda u l-ħbiberija universali mal-knejjes, reliġjonijiet u ġnus kollha tad-dinja.

3. Il-membri tal-Fraternita’ (Għaqda) jixtiequ jibnu ħajjithom fuq l-eżempju ta’ Ġesù Kristu:

a) Billi jadurawh u jircevuh fl-Ewkaristija – il-preżenza reali ta’ Alla fostna.

b) Billi jisimgħu Kelmtu – fuq kollox fl-Evanġelju.

c) Billi jfittxuh personalment fit-talb (personali) tagħhom, fl-irtiri, fil-jiem ta’ “deżert”, u fit- telqien tagħhom infushom f’idejn Alla.

d) Billi jħobbu u jaqdu lil Kristu fi sħabhom bnedmin, l-iżjed dawk svantaġġjati  (bl-inqas vantaġġi).

4. B’solidarjetà mal-fqar, il-membri tal-Fraternita’  (Għaqda) jippruvaw:

a) Jgħixu ħajja semplici, waqt li jafu bil-perikli u l-ġibda tas-socjetà  materjalistika.

b) Jaqsmu n-niket, it-tamiet u l-konflitti tagħhom fit-tfittxija għall-vera libertà.

c) Jagħrfu li l-bnedmin kollha huma ġirien u aħwa, iżda l-iżjed dawk li jħossuhom mitluqin fiżikament, socjalment, materjalment, psikoloġikament jew spiritwalment.

5. B’ħajjithom fil-fraternità, il-membri huma msejħa:

a) Biex jifhmu u jħobbu lil xulxin u li jintebħu bil-ħtiġijiet ta’ l-oħrajn,    ikunu x’ikunu.

b) Għal konverżjoni vera tal-qalb, l-iżjed bir-Reviżjoni tal-Ħajja, fejn huma msejħa jagħrblu l-ħajja personali u pubblika tagħhom skond ma jitlob minnhom il-Vanġelu.

c) Għal qsim tassew, li għandu bħala bażi c-caħda ta’ mentalita’ individwalista, ħalli jfittxu użu iżjed kommunitarju tal-ħwejjeġ materjali. (li jissopponi minn qabel ic-caħda tal-privileġġi ħalli jfittxu użu iżjek kommunali tal-ħwejjeġ materjali.)

6. Il-Fraternita (jiet)  trid(u) tieħu pożizzjoni cara fejn il-jeddijiet tal-bniedem ikunu mhedda b’xi sura ta’ moħqrija, bla ma jpoġġu lill-membri individwali taħt obbligu li jaqblu jew jieħdu passi fuq dik il-pożizzjoni.

7. Charles de Foucauld, bħala segwaci fidil ta’ Kristu, għandu dejjem ikun il-għajn ta’ tiġdid għall-fraternita’ (jiet). L-għarfien ta’ ħajtu, ta’ kitbietu, ta’ l-ispiritwalità tiegħu huma għodod li bihom il-membri tal-fraternitajiet jistgħu jibqgħu fidili għas-sejħa tagħhom u għat-talbiet li l-Evanġelju jagħmel f’ħajjithom illum.